Esta iniciativa pretende por en valor e canalizar as inquedanzas creativas da mocidade e as novas formas de manifestación e expresión nas que a literatura conflúe co audiovisual.
III CERTAME DE VIDEOCREACIÓN
As obras presentadas deberán ser inéditas e orixinais.
Cada obra pode ser realizada de maneira individual ou colectiva. No caso de que a peza audiovisual sexa feita por un grupo, deberase indicar unha persoa que o represente ou un nome colectivo que asine a súa autora.
Cada obra deberá levar a cortina de inicio dispoñible na páxina www.lugocultural.gal
A duración de cada obra será dun máximo de 5 minutos, incluíndo cortina inicial e créditos.
No caso de que a peza conteña linguaxe literaria oral ou escrita, valorarase positivamente a utilización do idioma galego.
No caso de que a peza conteña música, a persoa ou colectivo participante deberá acreditar a autoría ou a propiedade dos dereitos dela.
PRESENTACIÓN DE OBRAS
Debe cubrirse a folla de inscrición, que poden atopar na web de lugo cultural Descargar ficha de inscrición, coa información da persoa ou colectivo participante e os datos técnicos e artísticos da obra, e incorporar unha ligazón privada para visualizar a obra en liña.
Toda esa información debe enviarse ao enderezo cultura.lugo@usc.gal coa documentación que se pide na folla.
Data límite de presentación das pezas:
Día 22 de novembro ás 15:00 h.
ACTIVIDADE COMPLEMENTARIA
Conversa con Xesús Fraga, Premio Nacional de Narrativa por Virtudes (e misterios) acompañado por Carmen Blanco o día 22 de novembro ás 20:30 horas na Casa do Saber
PREMIOS
Entrega de Premios: 20 de decembro ás 20:30 Horas na Casa do Saber
Premio á mellor linguaxe visual (400€).
Valoraranse os aspectos estéticos da obra referentes a imaxe, iluminación e dirección artística, así como a montaxe e edición visual de cada peza.
Premio Isidro Novo á mellor linguaxe literaria (400€).
Valoraranse os aspectos literarios da obra referentes ao guión e uso da linguaxe escrita ou oral.
Premio Araceli Herrero á mellor comunicación (400€).
A mellor proposta que englobe tódolos aspectos comunicativos empregando diferentes linguaxes.
